Azərbaycan, Bakı, 29 sentyabr /Trend/
"İnter" - "Qarabağ" oyununa hakim təyinatları açıqlanıb.
Trend-in məlumatına görə, UEFA Avropa Liqasının qrup mərhələsi çərçivəsində oktyabrın 2-də Milan şəhərindəki "Cüzeppe Meatsa" stadionunda keçiriləcək "İnter" - "Qarabağ" oyununu belaruslu baş hakim Aleksey Kulbakov idarə edəcək.
Onun köməkçiləri Dmitri Juk, Andrey Hetsikau, dördüncü hakim Aleh Maslianka, əlavə hakim köməkçiləri isə Siarhei Tsinkeviç və Dzianis Şxarbakou olacaq.
UEFA nümayəndəsi Joze Gilyerme Aquiar (Portuqaliya), hakim-inspektor isə Frank de Blekere (Belçika) təyin olunub.