...

Avropa Liqası: "Neftçi" son məqamda qələbəni əldən verdi

İdman Materials 10 İyul 2015 01:31
Avropa Liqasının I təsnifat mərhələsinin cavab oyunları davam edir.
Avropa Liqası: "Neftçi" son məqamda qələbəni əldən verdi

Trend-i buradan izləyin

Azərbaycan, Bakı, 10 iyul /Trend/

UEFA Avropa Liqasının I təsnifat mərhələsinin cavab oyunları çərçivəsində "Neftçi" səfərdə Monteneqronun "Mladost" klubu ilə qarşılaşıb.

Trend-in məlumatına görə, Bakıda keçirilən ilk oyun 2:2 hesabı ilə bərabərə qaldığından təmsilçimizi qələbə və ya daha məhsuldar heç-heçə qane edirdi.

Meydan sahiblərindən xeyli üstün, baxımlı və əzmkar oyun nümayiş etdirən futbolçularımız məqsədlərinə 71-ci dəqiqədə çatıblar - "Neftçi"nin kapitanı Araz Abdullayev hesabı açıb. 85-ci dəqiqədə Nicat Qurbanovun qoluna dirək mane olub.

"Neftçi" əldən verdiyi çoxsaylı qol epizodlarından yararlanmamaqla özünü cəzalandırıb. Əsas vaxta artırılan dəqiqələrdə monteneqro futbolçuları bərabərliyi təmin ediblər - 1:1.

Beləliklə, "Neftçi" elə ilk mərhələdəcə mübarizəni dayandırıb.

Məqalədə:
Xəbər lenti

Xəbər lenti