Bakı. Ənvər Məmmədov - Trend:
Bakıdakı Milli Gimnastika Arenası yüksək səviyyədə təşkil inşa olunub.
Bunu Trend-ə kanadalı gimnast Patrisiya Bezzubenko deyib.
O bildirib: "Çıxışımdan çox razıyam, çox böyük zövq alıram. Bu zal ən yüksək səviyyədə inşa olunub".
Gimnastın sözlərinə görə, əldə etdiyi nəticələr yaxşıdır: "Ümumilikdə nəticəmdən razıyam. Rio Olimpiadasına ehtiyat gimnast qismində düşmüşəm. Lakin ümidimi itirmirəm və məşq etməyə davam edirəm".
Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparır. Dünya Kubokunun son günündə ayrı-ayrı növlər üzrə finallar keçiriləcək.