Bakı. Trend:
Madrid "Real"ının sabiq futbolçusu və İspaniya Kral Futbol Federasiyasının idman direktoru Fernando Yerro İspaniyanın baş məşqçisi təyin olunub.
Trend-in məlumatına görə, o bu vəzifədə Xulen Lopetegini əvəzləyəcək.
İspaniya Futbol Federasiyası dünya çempionatının başlamasına bir gün qalmış milli komandanın X.Lopetegini vəzifəsindən azad edib. Bu addım X.Lopeteginin "Real" Madrid futbol klubuna baş məşqçi təyin olunması barədə məlumatın yayılması ilə əlaqədar atılıb.
Qeyd edək ki, dünya çempionatı sabah start götürür. İspaniya millisi ilk matçını iyunun 15-i hazırkı Avropa çempionları Portuqaliyaya qarşı keçirəcək.
Trend-in ən mühüm və maraqlı xəbərlərini "Telegram"da izləyin
