...

İngiltərə yığmasının yenilənən rekordu

İdman Materials 5 Dekabr 2022 03:54 (UTC +04:00)
İngiltərə yığmasının yenilənən rekordu

Trend-i buradan izləyin

Bakı. Trend:

İngiltərə millisi Qətərdə keçirilən dünya çempionatının səkkizdəbir final mərhələsi çərçivəsində Seneqalı 3:0 hesabı ilə məğlub edərək mərhələ adlayıb. İngiltərəli futbolçu Harri Keyn matçda ikinci qolun müəllifi olub və rekorda imza atıb.

Trend-in məlumatına görə, bu, H.Keynin İngiltərə millisinin formasında irimiqyaslı turnirlərdə vurduğu 11-ci qoldur. Hücumçu bu göstərici ilə aktivində 10 qol olan Hari Linekeri geridə qoyub.

Cari dünya çempionatında İngiltərə millisinin aktivində 12 qol var. Komanda 2018-ci ildə Rusiyada keçirilən dünya çempionatında eyni sayda qol vuraraq yığmanın rekordunu müəyyənləşdirmişdi. Qətərdə isə komanda öz rekordunu yeniləyib.

Mərhələ adlayan İngiltərə millisi dörddəbir finalda Fransa seçməsi ilə qarşılaşacaq. Maraqlıdır ki, bu komandalar indiyədək heç vaxt irimiqyaslı turnirlərin (Avropa və dünya çempionatları) dörddəbir final mərhələsində üz-üzə gəlməyiblər. Fransa – İngiltərə matçı dekabrın 10-da Bakı vaxtı ilə saat 23:00-da başlayacaq.

Məqalədə:
Xəbər lenti

Xəbər lenti