Bakı. Trend:
"Formula-1" üzrə dünya çempionatının 6-cı mərhələsi olan Mayami Qran-prisi başa çatıb.
Trend-in məlumatına görə, ABŞ-də keçirilən əsas yarışı "Maklaren" komandasının pilotu Oskar Piastri qazanıb.
Onun komanda yoldaşı Lando Norris ikinci, "Mersedes"dən Corc Rassel isə üçüncü yeri tutub. Mövsümün favoriti hesab edilən "Red Bull" pilotu Maks Ferstappen yalnız dördüncü olub.
Bu nəticədən sonra Piastri 131 xalla ümumi sıralamada liderliyə yüksəlib, Norris 115 xalla ikinci, son dörd mövsümün dünya çempionu Ferstappen isə 99 xalla üçüncü yeri tutur.
Mühəndislər kubokuna da "Maklaren" 246 xalla başçılıq edir. Onları "Mersedes" (141 xal) və "Red Bull" (105 xal) izləyir.