Bakı. Trend:
Belarus Prezidenti Aleksandr Lukaşenkonun Bakıya rəsmi səfəri zamanı "BELAVTOMAZ" və "MTZ-Holdinq" şirkətlərinin rəhbərliyi “Gəncə Avtomobil Zavodu” İB ilə 2016-2017-cı illərdə avtomobil və traktor hissələrinin tədarükünə dair müqavilə imzalayıb.
Trend-in Belarusun Sənaye Nazirliyinə istinadən verdiyi məlumata görə, "MAZ" ilə bağlanmış müqaviləyə əsasən, gələn il 350 ədəd avtomobil hissəsi və texnikanın tədarükü nəzərdə tutulur. "MTZ" ilə bağlanmış müqaviləyə əsasən, 1500 ədəd traktor hissələrinin tədarükü nəzərdə tutulur.