1. Əsas səhifə
  2. İqtisadiyyat

Koreya Statistika Komitəsinin sədri: Azərbaycanın hədəflərə nail olmaq üçün dəqiq statistikadan istifadə etməsi vacibdir

İqtisadiyyat Materials 11 Dekabr 2019 11:15 (UTC +04:00)
Azərbaycanın gələcək hədəflərə nail olmaq üçün dəqiq statistikadan istifadə etməsi vacibdir.
Koreya Statistika Komitəsinin sədri: Azərbaycanın hədəflərə nail olmaq üçün dəqiq statistikadan istifadə etməsi vacibdir
Bakı. İhamə İsabalayeva -Trend:

Azərbaycanın gələcək hədəflərə nail olmaq üçün dəqiq statistikadan istifadə etməsi vacibdir. Çünki hər bir məlumat ölkənin və şirkətin düzgün rəqabətliliyinin artırılması üçün əsas məsələdir.

Trend-in məlumatına görə, bunu rəsmi statistik məlumatların istehsalında İKT və kadr potensialının gücləndirilməsi mövzusunda keçirilən konfransda Koreya Statistika Komitəsinin sədri Shin-vook Kang deyib.

Onun sözlərinə görə, indiki qlobal cəmiyyətdə dayanıqlı inkişaf məqsədlərinə nail olmaq üçün birlikdə iş aparmaq lazımdır: "Biz ayrı-ayrılıqda deyil, birlikdə gücümüzü birləşdirməliyik və müasir tələblərə cavab vermək üçün birlikdə mübarizə aparmalıyıq. Bu baxımdan beynəlxalq statistika qurumları bütün statistik məlumatları hazırlamaq üçün güclərini birləşdirməlidirlər. Bu sahədə uğurlara nail olmaq yalnız bir ölkənin işi deyil, bütün ölkələr öz təcrübələrini bir-birləri ilə bölüşdürməli, innovativ inkişafa nail olmaq üçün birlikdə çalışmalıdırlar".

Shin-vook Kang əlavə edib ki, Azərbaycan 2016-cı ildə təsdiqlənən milli iqtisadi yol xəritəsi və mikroiqtisadi inkişaf strategiyasına uyğun olaraq dinamik inkişaf edir.

O hesab edir ki, Koreya və Azərbaycan arasında statistika sahəsində əməkdaşlığın qurulması bu sahədə ciddi irəliləyişlərə səbəb olacaq və istənilən nəticə əldə olunacaq: "Biz - statistika sahəsində çalışanlar parlaq gələcək naminə dünyanın şəffaf gözü olmalıyıq. Koreya qısa müddətdə iqtisadi gücünü artıra bilən, bu sahədə böyük təcrübəyə sahib olan bir ölkədir. Koreyada bu sahədə statistika orqanlarının dəstəyi heç də az olmayıb".

Məqalədə:

Trend-i buradan izləyin

Xəbər lenti

Xəbər lenti

Bütün xəbərlər