...

Türkiyənin türkdilli ölkələrə ixracı artıb

İqtisadiyyat Materials 7 Sentyabr 2020 10:28 (UTC +04:00)
Türkiyənin türkdilli ölkələrə ixracı artıb

Bakı. Rufiz Hafizoğlu - Trend:

2020-ci ilin yanvar-iyul aylarında Türkiyənin türkdilli ölkələrə ixracı 2019-cu ilin eyni dövrü ilə müqayisədə 4,5 faiz artaraq 2,849 milyard dollar olub.

Bu barədə Trend-ə Türkiyə Ticarət Nazirliyindən bildiriblər.

Statistikaya əsasən, Türkiyənin 2020-ci ilin yanvar-iyul ayları üzrə ümumi ixracında türkdilli ölkələrin payı 3,2 faizə bərabər olub.

İyul ayında Türkiyənin həmin ölkələrə ixracı 2019-cu ilin iyulu ilə müqayisədə 8,6 faiz azalaraq 458,464 milyon dollara bərabər olub.

Hesabat dövründə Türkiyənin türkdilli ölkələrdən idxalı 2019-cu ilin yanvar-iyul ayları ilə müqayisədə 16,8 faiz azalaraq 1,642 milyard dollar təşkil edib.

Statistikaya əsasən, Türkiyənin 2020-ci ilin yanvar-iyul ayları üzrə ümumi idxalında türkdilli ölkələrin payı 1,4 faizə bərabər olub.

İyul ayında Türkiyənin həmin ölkələrdən idxalı 2019-cu ilin iyulu ilə müqayisədə 15,6 faiz azalaraq 259,784 milyon dollara bərabər olub.

Məqalədə:
Xəbər lenti

Xəbər lenti