Bakı. Trend:
ABŞ-ın yanacaqdoldurma məntəqələrində benzinin qiyməti tarixi maksimumu keçərək, bir qallon (4,54 litr) üçün 4,17 dolları ötüb.
Trend xəbər verir ki, bu barədə 60 mindən çox yanacaqdoldurma məntəqəsində qiymətləri izləyən Amerika Avtomobil Assosiasiyasının (AAA) məlumatında deyilir.
Məlumata əsasən, bu gün səhər saatlarında ABŞ-da bir qallon benzinin orta qiyməti 4,173 dollara çatıb. AAA-nın saytında qeyd edilib ki, bu, tarixdə ən yüksək orta yanacaq qiymətidir.
CNN telekanalı vurğulayır ki, əvvəlki antirekord 2008-ci ilin iyulunda, ABŞ-ın yanacaqdoldurma məntəqələrində benzinin qiyməti 1 qallon üçün 4,11 dollara çatan zaman qeydə alınıb.