Bakı. Trend:
Dünya birjalarında "Brent" markalı neftin qiyməti 95 dollaradək azalıb.
Trend-in məlumatına görə, Londonun "ICE Futures" birjasında neftin oktyabr fyuçersləri 95,45 dollar ətrafında alınıb satılır. Ötən həftəsonu ilə müqayisədə qiymətlərdə 1,31 faiz azalma qeydə alınıb.
Eyni zamanda WTI markalı neftin oktyabr fyuçersləri 89,18 dollaradək ucuzlaşıb.
Xatırladaq ki, ötən həftə ərzində "Brent" markalı neftin qiymətində 1,5 faiz, WTI markalı neftin qiymətində 1,4 faiz ucuzlaşma qeydə alınmışdı.