Bakı. Trend:
İqtisadiyyat naziri Mikayıl Cabbarov ABŞ Dövlət katibinin enerji ehtiyatları üzrə köməkçisi Cefri Payet ilə görüşüb.
Trend-in məlumatına görə, bu barədə nazir özünün "Twitter" səhifəsində yazıb.
"ABŞ Dövlət katibinin enerji ehtiyatları üzrə köməkçisi Cefri Payet ilə ölkələrimiz arasında iqtisadi əlaqələrin mövcud vəziyyəti, Azərbaycanın energetika sahəsində irəli sürdüyü təşəbbüslər və yaşıl enerjiyə keçid istiqamətində həyata keçirilən layihələr barədə fikir mübadiləsi apardıq", - deyə M.Cabbarov qeyd edib.