Kazan. Trend:
Autriç / BRICS+ – Böyük Qlobal Cənub ölkələri və inkişaf etməkdə olan bazarlar arasında sıx əlaqələrin inkişafı üçün mühüm platformadır.
Trend xəbər verir ki, bunu Cənubi Afrika Respublikasının Prezidenti Siril Ramafosa Kazanda keçirilən “XVI BRİCS” sammitinin "BRİCS plus" formatında ilk plenar iclasında çıxış edərkən bildirib.
“Bu platformalar konstruktiv qarşılıqlı əlaqəni təmin etmək üçün istifadə edilməlidir. BRICS platformasından istifadə edərək, xalqlarımızın sosial-iqtisadi və mədəni inkişafına töhfə vermək vacibdir. Biz, BRICS ölkələrini gücləndirmək məqsədilə, xüsusilə nəqliyyat və qarşılıqlı əlaqə sahələrində həyata keçirilən müxtəlif tədbirlər vasitəsilə Rusiyanın layihələrini yüksək qiymətləndiririk. Bu, bizim aramızda yeni və alternativ üsullarla inteqrasiya və qarşılıqlı əlaqəni təmin etmək üçün yollar tapmağa kömək edəcək”, - o qeyd edib.
O bildirib ki, Azad Ticarət Zonası Afrikada qlobal şirkətlər üçün ticarət və investisiyalar sahəsində mövcud imkanlardan istifadə etməyə əhəmiyyətli töhfə verəcək.
“Bundan əlavə, daha kompleks qarşılıqlı əlaqəli bir qitənin yaradılmasına imkan verəcək. Afrikanın vahid hava bazarı – Afrika İttifaqının 2063-cü ilə qədər olan gündəliyi çərçivəsində bir başqa böyük layihədir. Böyük Qlobal Cənubda qarşılıqlı əlaqəni artırmaq üçün müvafiq imkanlardan istifadə etmək lazımdır. Regionda əlaqələrin və ticarətin inkişafını təşviq etmək yalnız sülh və sabitlik şəraitində uğurlu ola bilər”, - o əlavə edib.