Bakı. Trend:
Bu ilin yanvar-sentyabr aylarında Azərbaycanın qeyri-neft ixracının dəyəri 2,47 mlrd. ABŞ dolları təşkil edib.
Trend-ə bu barədə AZPROMO-dan məlumat verilib.
Bildirilib ki, bu, 2023-cü ilin analoji dövrü ilə müqayisədə 1,3% çoxdur:
"2024-cü ilin III rübündə ölkənin qeyri-neft ixracının dəyəri ötən ilin eyni rübü ilə müqayisədə 31,5% artaraq 869,02 mln. ABŞ dollarına çatıb. Təkcə sentyabr ayında isə qeyri-neft ixracı illik müqayisədə 27,4% artaraq 285,21 mln. ABŞ dollarına bərabər olub".
Qeyd edilib ki, 2023-cü ildə Azərbaycanın qeyri-neft ixracı illik müqayisədə 9,8% artaraq rekord 3,48 mlrd. ABŞ dolları təşkil edib.