Bakı. Trend:
Bu ilin yanvar ayında Azərbaycanda ölkədaxili elektron ticarət əməliyyatlarının sayı 102,7 milyon ədədə, həcmi isə 5,8 milyard manata bərabər olub.
Bu barədə Trend Mərkəzi Bankdan məlumat əldə edib.
Məlumata əsasən, bu göstərici 2024-cü ilin eyni dövrü ilə müqayisədə say baxımından 36,4 milyon ədəd və ya 54,9%, həcm baxımından isə 1,7 milyard manat və ya 42,8% çoxdur.
Qeyd edək ki, 2024-cü ilin yanvar ayında Azərbaycanda ölkədaxili elektron ticarət əməliyyatlarının sayı 66,3 milyon ədədə, həcmi isə 4,1 milyard manata bərabər olub.