Azərbaycan, Bakı, 29 fevral / Trend , müxbir İ.Xəlilova / Son zamanlar Azərbaycanın bank sistemində şəxsi prosessinq sisteminin yaradılmasına maraq artıb. Belə olan halda, bu layihənin gəlirliliyi üçün bankın təxminən yarım milyon kartı olmalıdır. Bu barədə "Azərikard" prosessinq mərkəzindən bildiriblər. Bu sayda kart ilə o, gəlir gətirə bilər.
"Bu, 1 mln. dollar dəyərində olan olduqca bahalı layihədir. Çünki təhlükəsizlik sistemini yaratmaq və qərarları almaq lazımdır" - deyə mərkəzdən qeyd ediblər.
Oxşar layihələrin reallaşdırılması üçün sərbəst vəsait və kifayət qədər kart lazımdır. Onların ödənilməsi əmək haqqı kartlarından alınan gəlirlərdən, ekvairinqə görə komissiyadan və müştərilərin sayından asılıdır.
Respublikada artıq iki prosessinq mərkəzi fəaliyyət göstərir. Bunlar Azərbaycan Beynəlxalq Bankına məxsus olan "Azərikard" və 18 bank tərəfindən Azərbaycan Milli Bankından alınmış "Millikart" mərkəzləridir.
"Kapital Bank" və "Texnika Bank" artıq şəxsi prossesinq sisteminin yaradılması niyyətində olduqlarını bildiriblər. Bu gün "Kapital Bank" tərəfindən buraxılan kartların sayı 1,372 milyona çatır. Bu bankın rəhbərliyi artıq iyunun sonu və iyulun əvvəlinədək ümumi dəyəri 1,29 mln. avro olan sistemi tətbiq etməyi planlaşdırır. "Kapital Bank" prosessinqinin buraxılış imkanları 2,5 mln. kart təşkil edir və 550 bankomat, 200 köşk və 5 min POS-terminala xidmət göstərəcək. İndiyədək bank 200 bankomata malikdir və ilin sonunadək əlavə olaraq 80-100 bankomat quraşdırmağı planlaşdırır.
"Texnika Bank" 40 min kart buraxıb və ötən ildən kart bazarında fəal əməliyyatlara başlayıb. Hazırda bank tərəfindən ticarət və sahibkar obyektlərində 269 POS-terminal və 46 bankomat quraşdırılıb ki, onlardan 44-ü işlək vəziyyətdədir. Bu il 50 bankomat quraşdırılacaq və POS-terminalların sayı ikiqat artırılacaq.
Hər iki bank "Visa İnternational" və "MasterCard" beynəlxalq ödəmə sisteminin prinsipial üzvləridir və "Visa" kart ekvayer statusuna malikdir. Bu, banklara POS-terminalların genişləndirilməsi üçün ticarət müəssisələri ilə müstəqil müqavilələrin imzalanmasına imkan yaradır. Əldə olunan ekvairinq bankın kart biznesinin inkişafına yardım göstərəcək, ticarət və xidmət sahələrində fəaliyyət göstərən koorporativ müştərilərin cəlb ediləmsi üçün imkan yaradacaq.
Müəlliflə əlaqə saxlamaq üçün elektron ünvan : [email protected]
