Azərbaycan, Bakı, 05 iyun/ Trend müxbir İ.Xəlilova/ 2008-ci il ərzində 2001-ci ildə qəbul edilmiş gömrük tarifləri sisteminə dəyişikliklərin edilməsi nəzərdə tutulmur. Bu barədə Dövlət Gömrük Komitəsinin sədri Aydın Əliyev məlumt verib. Əvvəllər DGK dördsəviyyəli differensiyalaşdırılmış tarif sisteminə keçidlə əlaqədar hökumətdə təkliflə çıxış edib.
2001-ci ildən bu günədək respublikada 0%, 0,5%, 1%, 3%, 5%, 10% və 15% dərəcələr fəaliyyət göstərir. Gömrük komitəsi 0%, 5%, 10% və 15% faiz dərəcələrini saxlamağı təklif edib. Bunla yanaşı, istehsal təyinatlı malların (xammal və avadanlıq) böyük hissəsi, hətta bu gün 0,5 faiz üzrə gömrük rüsumu alınan mallara da sıfır dərəcə üzrə vergi qoyulacaq. Bu artıq Nazirlər Kabinetinin sərəncamı ilə idxal zamanı sıfır dərəcə üzrə ƏDV-nin tətbiq ediliyi mal qruplarına (xüsusilə də 84-cü və 85-ci qruplar) aiddir. Respublikaya idxal olunan malların 10 -15 faizi onların payına düşür.
Əliyevin sözlərinə görə, gömrük rüsumlarının dəyişdirilməsi ilin sonuna, dövlət büdcəsinin müzakirəsi zamanı nəzərdən keçirilə bilər. İl ərzində isə, düyü, un və buğda ilə olduğu kimi (ƏDV-dən azad edilmə müddəti daha bir il uzadılıb), yalnız fövqəladə hallarda idxal zamanı vergitutmadan azad etməyə dair qərarlar qəbul edilir.
Gömrük rüsum və vergilərinin toplanılması üzrə plan göstəriciləri artsa da, vergi güzəştlərinin tətbiqi milli maraqlar baxımından zəruri olub. DGK rəhbərinin rəyinə görə, dünyada taxıl məhsullarının qiymət artımı daxili taxıl bazarında xüsusilə, əksini tapmayıb. Lakin, bu qərar taxıl idxalının artırılması deyil, bazarda taxılkimilərlə bağlı əsas qida məhsulların olan qiymətlərin sabitləşdirilməsi üçün qəbul edilib.
Dövlət Gömrük Komitəsi vergi güzəştlərinin tətbiq edilməsinə dair təşəbbüs irəli sürmüş birinci orqanlardan olub, - Əliyev bildirib. Biz beşaylıq planı yerinə yetirmişik və 1,110 mlrd. manat proqnozun yerinə yetirilməsi üçün yeni ehtiyatlar axtarmaq niyyətindəyik".
Azərbaycanın Ümumdünya Ticarət Təşkilatına (ÜTT) üzr olması çərçivəsində, gömrük orqanlarının üzərinə iki vəzifə qoyulub - gömrük vergi və rüsumlarına yenidən baxılmsaı və yeni modelin tətbiqi, həmçinin, əqli mülkiyyət hüquqlarının müdafiəsinin təmin edilməsi.
Müəlliflə əlaqə saxlamaq üçün elektron ünvan: [email protected]
