Azərbaycan, Bakı, 13 iyun/ Trend müxbir İ.Xəlilova/ Azərbaycan Milli Məclisi bu gün Azərbaycan və Macarıstan arasında gəlir və əmlaka münasibətdə ikiqat vergitutmanın və vergilərin ödənilməsindən yayınma faktlarının aradan qaldırılması haqqında 2008-ci il fevralın 18-də Budapeştdə imzalanmış Konvensiyanı təsdiqləyib.
Konvensiya Azərbaycanda hüquqi şəxslərin mənfəət vergisini, gəlir vergisini, əmlak və torpaq vergilərini, Macarıstanda ї korporativ vergi, əlavə vergi, torpaq sahələri və tikililərdən alınan vergiləri əhatə edir.
Konvensiya beş il ərzində qüvvədədir. Diplomatik kanallarla bu barədə xəbərdarlıq edilərsə, beş illik müddət başa çatdıqdan sonra dövlətlərin hər birinin aruzusu ilə bu saziş öz qüvvəsini itirir.
İyunun 13-ə olan rəsmi məzənnə - 0,8189 AZN/USD.
Müəlliflə əlaqə saxlmaq üçün elektron ünvan: [email protected]
