Azərbaycan, Bakı, 18 iyun/ Trend , müxbir Ü.İsmayılova/ Yanvar-mayda müəssisə və təşkilatlar tərəfindən bütün maliyyə mənbələrindən ölkə iqtisadiyyatının inkişafına 2 695,9 mln. manat yatırılıb və bu, ötən ilin analoji dövründə əsas kapitala sərmayə yatırımlarını 21,7 faiz ötür. Dövlət Statistika Komitəsindən çərşənbə günü bildiriblər ki, özəl mülkiyyətdə olan müəssisə və təşkilatlar əsas kapitala 1199,7 mln. manat (bütün sərmayələrin83,1 faizi), dövlət mülkiyyətində olanlar isə 1496,2 mln. manat (94 faiz) yatırıblar.
Təmir-tikinti işlərinə yatırılan sərmayələrin həcmi 0,1 faiz artaraq, 2,6 mln. manat təşkil edib.
Xüsusi çəkisi 35,9 faiz olan xarici sərmayələr 968,5 mln. manat təşkil edib. Müvafiq olaraq sərmayələrin ümumi həcminin 64,1 faizi daxili sərmayələrin payına düşüb.
Əsas kapitala yatırılan vəsaitlərin 55,2 faizi (1488,9 mln. manat) ölkənin neft sektorunun inkişafına yönəldilib, 44,8 faiz (1207 mln. manat) - qeyri-neft sektorunun payına düşüb. Qeyri-neft sektoruna yatırılan sərmayələr ötən ilin analoji dövrü ilə müqayisədə 70,1 faiz artıb.
Investisiyaların 52,4 faizi sənaye sahələri, 2,7 faizi - kənd təsərrüfatı, 0,2 faiz - ticarət və xidmətlər, 21,8 faiz - nəqliyyat, 2,4 faiz - rabitə, 5,9 faiz - mənzil tikintisi, 2,6 faiz - səhiyyə, 1,9 faiz - təhsil, 10,1 faiz - qalan sahələrin payına düşüb.
Büdcə vəsaitləri hesabına maliyyələşdirilmiş obyektlərin tikintisinə 898,2 mln. manat yatırılıb ki, bu da 2008-ci ilin dövlət büdcəsində kapital yatırımları üçün nəzərdə tutulan 4326,3 mln. manat vəsaitin 20,8 faizini təşkil edir.
Müəssisə və təşkilatların hesabına əsas kapitala 1447,5 mln. manat (sərmayələrin ümumi həcminin 53,7 faizi), bank kreditləri hesabına - 70 mln. manat (2,6 faiz), büdcə vəsaitləri - 945,6 mln. manat (35,1 faiz), büdcədənkənar fondların vəsaitləri - 167 mln. manat (6,2 faiz), əhalinin şəxsi vəsaitləri - 64 mln. manat (2,3 faiz), digər vəsaitlər - 1,8 mln. manat (0,1 faiz) sərmayə yatırılıb.
Müəlliflə əlaqə saxlamaq üçün elektron ünvan: [email protected]