Azərbaycan, Bakı, 31 iyul/ Trend , müxbir E.İsmayılov/ Azərbaycan Dövlət Dəmir Yolunun baş mühəndisi Qurban Nəzirov cümə axşamı bildirib ki, "2008-2011-ci illərdə Azərbaycanın dəmir yolunun inkişafı dövlət proqramı" çərçivəsində şimal istiqamətində (Rusiya sərhədinədək) yeni fibriooptik rabitə xətti yaradılacaq.
"Şimal istiqamətində rabitə xəttinin tikintisi dövlət proqramı çərçivəsində üç il ərzində reallaşdırılacaq", - Nəzirov söyləyib.
Əvvəllər Bakı-Böyükkəsik istiqamətində fibriooptik rabitə xətti yaradılıb.
Azərbaycanın dəmir yolu üçün yeni proqram artıq hazırlanıb və yaxın vaxtlarda onun ölkə rəhbərliyi tərəfindən təsdiqlənəcəyi gözlənilir. Proqramda infrastruktur layihələrinin reallaşdırılması böyük yer tutur ki, bu da öz növbəsində dəmir yollarının beynəlxalq standartlara müvafiq olaraq yenidən qurulmasını nəzərdə tutur. Bu işlər yükdaşınmanın çoxalmasını, sərnişinlərin daşınması üçün şəraitin yaradılmasını, hərəkət sürətinin artırılmasını, təhlükəsizliyin təmin edilməsi və yüklərin vaxtında çatdırılmasını təmin edəcək. Bundan əlavə, yenidənqurma işləri "Şimal-Cənub" və "Şərq-Qərb" istiqamətlərində yük axınını və daşınmaların vaxtında həyata keçirilməsini təmin edəcək.
Müəlliflə əlaqə saxlamaq üçün elektron ünvan: [email protected]
