Azərbaycan, Bakı, 30 avqust / Trend , müxbir İ.Xəlilova/ Asiya İnkişaf Bankı (AİB) vəsaitlərin mənimsənilməsindən sonra Ağdaş, Göyçay və Naxçıvanda su təchizatı və sanitar xidmətlər sisteminin yaxşılaşdırılması layihəsini yenidən qiymətləndirməyi planlaşdırır. Bu barədə Bankın Bakı nümayəndəliyindən bildiriblər.
"Layihə minimum 5-6 mln. dollar bahalaşıb, lakin işlərin ümumi dəyərini vəsaitlərin istifadəsinə başlandıqdan sonra konkretləşdirmək lazım gələcək", - deyə nümayəndəlikdən bildiriblər.
Əlavə maliyyələşmə ölkə hökumətinin iştirak payının artırılması hesabına təqdim olunacaq. Layihənin hazırkı dizaynı 2004-cü ildə hazırlanıb, bu dövr ərzində isə, tikinti materiallırının qiyməti xeyli artıb.
Su kəmərinin tikintisi üçün podratçı təqribən 2008 -ci ilin oktyabr-noyabr aylarında müəyyənləşəcək.
"Azərsu" SC-nin su layihəsi üzrə məsləhətçisi "AICO Consulting Ltd/European Consultans Organization" Konsorsiumudur. Məsləhətçi üç ilə nəzərdə tutulan işlərin detallaşdırılması üzrə hesabat hazırlayıb. Bunun nəticəsində layihənin yekun dəyəri konkretləşəcək. İlkin qiymətləndirmələrə görə, üç il ərzində layihə təxminən 5 mln. dollar bahalaşıb. Hökumətdə hesab edirlər ki, layihənin istənilən bahalaşması hökumətin iştirak payının artırılması hesabına ödəniləcək.
Layihənin ilkin dəyəri 39,9 mln. dollar təşkil edib. Asiya İnkişaf Bankı layihəni maliyyələşdirmək üçün 30 mln. dollar həcmində kredit ayırıb, 9,9 mln. dollar isə, hökumətin payına düşüb. Layihənin reallaşdırılması dövründə - 2010-cu ilədək Ağdaş, Göyçay və Naxçıvanda infrastruktur, su təchizatı sisteminin inkişafı üçün struktur dəyişikliklərinin aparılması planlaşdrılır.
AİB -in krediti iki hissədən ibarətdir: 20 mln. dollar AİB -in Asiya İnkişaf Fondundan səkkiz illik ödəmə möhləti ilə, 32 ilə güzəşt əsaında təqdim olunub. Güzəştli faiz ödəmələri dövründə illik faiz dərəcəsi 1,0 faiz, onun yekunu üzrə isə ildə 1,5 faiz təşkil edəcək. Kreditin qalan 10 mln. dolları altı illik möhlət və libor-a müvafiq faiz drəcəsi ilə 25 il müddətinə, AİB -in adi əsas resurs şərtləri üzrə təqdim olunur.
Layihənin reallaşdırılmasından sonra bu regionlarda tariflər ikiləşəcək. Bu gün Ağdaşda bir ailə üçün su və kanalizasiya xidmətləri üzrə tariflərin hər biri bir manat təşkil edir. Göyçayda su təchizatı və kanalizasiya sistemlərindən istifadəyə görə, ayda ailəyə dörd manat sərf olunur.
Avqustun 3-a rəsmi məzənnə 0,8134 AZN/USD təşkil edir..
Məqalə müəllifi ilə əlaqə ünvanıt: capital
