...

Azərbaycanın şəkər zavodu öz fəaliyyətini tam bərpa edib

Biznes və iqtisadiyyat xəbərləri Materials 11 Sentyabr 2008 18:29

Trend-i buradan izləyin

Azərbaycan, Bakı, 11 sentyabr / Trend , müxbir İ.Xəlilova/ Gürcüstandakı hadislərlə əlaqədar müvəqqəti olaraq dayandırılan İmişli şəkər zavodu öz fəaliyyətini tam bərpa edib.

"Bizim yüklər yolda idi, Gürcüstan hadisələri səbəbindən biz marşrutu dəyişməli və Rusiya dəmir yolundan istifadə etməli olduq, lakin yenə də yükün bir hissəsi qaldı", - deyə şəkər zavodunun daxil olduğu "Azersun Holding"in prezidenti Abdolbari Gozal bildirib.

Buna baxmayaraq, zavod bu həftədən şəkərin bir tonunun qiymətini 20 dollar azaldılıb. Nəticədə İmişli zavodu məhsulu 0,68 manata buraxır, satışda isə bu məhsul 0,2- 0,3 manat baha olur.

Bu gün İmişli zavodunun məhsulları Azərbaycanın şəkərə olan tələbatını iki dəfə ödəyir. Bu, ikinci fazanın istifadəyə verilməsi nəticəsində mümkün olub ki, bu da zavodun gücünü 300 ton artıraraq ildə 1300 tona çatdırmağa imkan verib. Zavodda şəkər çuğundurunun emal həcmi gündə 5 min tont təşkil edir. Müvafiq olaraq, zavodda illik şəkər istehsalı 600-700 min ton, daxili bazarda tələbat isə 230-250 min ton təşkil edir.

Gozalın sözlərinə görə, bu, ixrac imkanlarını genişləndirməyə imkan verir. İmişli zavodunun məhsulları Türkmənistan, Rusiya, Əfqanıstan, Gürcüstan və Türkiyəyə ixrac olunur.

Bu il ikinci fazanın istifadəyə verilməsi üçün 8 mln. avro investisiya yatırılıb, nəticədə İmişli şəkər zavoduna yatırılan investisiyaların ümumi həcmi 100 mln. dollar təşkil edib.

Zavodun sutkada təqribən 5 min ton şəkər çuğunduru emalı gücünə malik olmasına baxmayaraq, şəkər zavodu üçün istehsalçılar tərəfindən çuğundur istehsalı 2-3 min ton təşkil edir. Bu zavodun ehtiyacları üçün şəkər çuğunduru əkininin üç ildir həyata keçirilməsi ilə əlaqədardır.

İndi hər hektardan 35 ton çuğundur əldə etməyə hazırlaşrıq ki, bu da yaxşı nəticə hesab olunur. Digər ölkələrdə yığım həcmi hər hektardan 40-42 tona çatır. Nəzərə almaq lazımdır ki, onlar bu sahə üzrə çoxdan ixtisaslaşıb. Azərbaycanda çuğundur yığımı və onun əkin sahələri artırılacağı təqdirdə, şəkər istehsalını zavodun istehsal gücünə çatdırmaq mümkün olacaq.

Hazırda çuğundur ölkənin 20 rayonunda becərilir, rayonların sayının 25-dək artırılması planlaşdırılır.

Sentyabrın 11-i üçün rəsmi məzənnə 0,8159 AZN/USD təşkil edir.

Məqalə müəllifi ilə əlaqə ünvanı - [email protected]

Xəbər lenti

Xəbər lenti