Azərbaycan, Bakı, 09 oktyabr/ Trend , müxbir İ.Xəlilova/ " "Millicart" Məhdud Məsuliyyətli Cəmiyyət (MMC) 2009 - cu ildə təkrar kapitallaşmağı planlaşdırır", - deyə cümə axşamı prosessinq mərkəzinin icraçı direktoru Cəlal Orucov bildirib. Nizamnamə kapitalının artırılması üzrə planlar Avropa Yenidənqurma və İnkişf Bankının (AYİB) səhmdarlar sırasına daxil olması ilə bağlıdır.
" "Millicart"ın hazırkı səhmdarları da mərkəzin kapitalında paylarının azalmasından yayınmaq üçün öz paketlərinin təkrar kapitallaşmasında iştirak edə bilər", - deyə Orucov bildirib.
AYİB -in "Millicart"ın səhmdarları sırasına daxil olmasına dair ilkin qərar artıq qəbul edilib, lakin bu məsələyə Direktorlar Şurasında baxılması gözlənilir. Hazırda AYİB iştirak payını və əldə ediləcək paketin məbləğini müəyyən edir. İlkin məlumatlara görə, 10 faizdən 19 faizzdək paketin əldə edilməsi nəzərdə tutulub.
Orucovun sözlərinə görə, AYİB -in "Millikart" - ın səhmdarlarının sırasına daxil olması əlavə emissiyaların hesabına baş verəcək. Əvvəllər ona nominal üzrə ParaBank səhmdar - kommersiya bankının güzəştə getməyə hazır olduğu 9 faiz səhm vermək planlaşdırılırdı. 2006 - cı il iyulun 14 - də MMC təsis edilərkən, ParaBank 10 faiz iştirak payı ilə onun səhmdarları sırasına daxil olub.
Lakin sonra o, 9 faizi satmaq və öz mülkiyyətində cəmi bir faiz saxlamaq niyyətində olduğunu bildirib. Lakin, Orucovun qeyd etdiyi kimi, ParaBank bu planlardan imtina edərək, bütün səhm paketini özündə saxlayıb. Bununla əlaqədar olaraq, AYİB - in səhmdarlığa daxil olması əlavə emissiyaların hesabına mümkündür.
Bu gün üçün bankların mərkəzin kapitalında iştiraklarının minimal ölçüsü 1, maksimal isə, 10 faiz təşkil edir. Hazırda o, 18 səhmdar tərəfindən 4 mln. manat həcmində formalaşdırılıb.
MMC 2006 - cı il iyulun 14 - də təsis edilib. Mərkəzin təsisçiləri bunlardır: Atabank, Azərdəmiryolbank, Azertürkbank, Bank of Baku, Azerbaijan Senayye Banki, Debütbank, Əmrahbank, Xalqbank, Kredobank, Azərbaycan Mikromaliyyələşdirmə Bankı, ParaBank, Rabitəbank, Bank Respublika, Bank Standard, Texnikabank, Turanbank, UniBank və Zaminbank.
Oktyabrın 9-na olan rəsmi məzənnə 0,8094 AZN/USD təşkil edib.
Məqalə müəllifi ilə əlaqə ünvanı - [email protected]
