Azərbaycan, Bakı, 04 noyabr/ Trend , müxbir N.İsmayılova/ 2009-cu ilin ödəmə balansında Azərbaycanın xarici ticarət dövriyyəsi 43,62 mlrd. dollar səviyyəsində proqnozlaşdırılır ki, bu da 2008 - ci ilin proqnozlarından 1,5 faiz çoxdur, - Milli Məclisə təqdim edilmiş 2009 - 2012 - ci illərin dövlət büdcəsi layihəsində bildirilir.
2010-cu il üzrə proqnoz 41,26 mlrd. dollar, 2011-ci il - 41,73 mlrd. dollar, 2012-ci ildə - 40,06 mlrd. səviyyəsində müəyyən edilib.
2009-cu ildə xarici ticarətdə azalma ixracın 2008-ci ildə gözlənilən 37,04 mlrd. dollara qarşı 35,74 mlrd. dollaradək azalması hesabına baş verəcək. İdxal əməliyyatları üzrə isə 9,1 faiz - 7,88 mlrd. dollaradək artım gözlənilir.
İxrac strukturunda neft - qaz sektorunun hesabına əməliyyatların 78,4 faizi ( rəqəmlə - 34,19 mlrd.), idxal strukturunda 1,1 faizi (0,48 mlrd. dollar) təmin ediləcək
2010 - cu ildə nef - qaz sektorunda ixracın 30,91 mlrd. dollar, idxalın 0,38 mlrd. dollar, 2011-ci ildə, müvafiq olaraq, 30,44 və 0,39 mlrd. dollar, 2012- ci ildə 28,13 və 0,28 mlrd. dollar səviyyəsində olacağı gözlənilir.
Ödəmə balansının xidmətlər balansında 2009 - cu ildə ixracın 1,71 mlrd. dollar səviyyəsində olacağı proqnozlaşdırılır. Neft - qaz sektorunda idxalın 0,72 mlrd. dollar, digər sektorlarda isə, 2,2 mlrd. dollar səviyyəsində olacağı gözlənilir.
Milli Məclisə təqdim edilmiş 2009 - cu ilin dövlət büdcəsi layihəsində milli iqtisadiyyatın risklərinin azaldılması və dünya birliyinə rasional inteqrasiya üçün aşağıdakı vəzifələrin yerinə yetirilməsi mütləq hesab edilir: xarici prosedurların azaldılması, ixrac və idxalın əmtəə strukturunun, ixrac və idxalın ölkə strukturunun diversifikasiyası, ixrac-idxal əməliyyatlarında ADV - də hesablamalar, ÜTT - nin prinsipləri çərçivəsində daxili bazarın müdafiəsi üçün imkanların öyrənilməsi, idxalla əvəzi ödənilən malların istehsalının stimullaşdırılması və ticarət siyasətinin təkmilləşdirilməsi, preferensial ticarət rejimlərindən istifadə imkanlarının tədqiqi, özəl sektorun ixracının təşviqi, anti-dempinq tədbirlərinin hazırlanması, xarici ticarət statistikasının təkmilləşdirilməsi üçün müvafiq dövlət orqanları ilə əməkdaşlığın həyata keçirilməsi , elektron ticarət tendensiyalarının təhili.
Müəlliflə əlaqə saxlamaq üçün elektron ünvan: [email protected]
