Azərbaycan, Bakı, 26 noyabr/ Trend , müxbirlər İ.Xəlilova, A.Bədəlova/İsveçrənin İqtisadi Məsələlər üzrə Dövlət Kabitliyi (Seco) 2009 - cu il yanvarın 1- dən Azərbaycanda maliyyə proqramlaşdırmasına texniki yardım layihəsinin ikinci fazasının realizəsinə başlamağı planlaşdırır, - Seco-nun Milli Proqramının rəhbəri Nailə Səfərova çərşənbə günü bildirib.
"Hazırda layihə Seco - nun təsdiqindədir", - Səfərova bildirib.
Beş ili əhatə edəcək iki illik layihənin ümumi dəyəri təxminən 900 min dollar təşkil edir. Birinci mərhələdə proqram Azərbaycanda cəmləşdirilib və bir ilə hesablanmışdı.
Proqram rəhbərinin sözlərinə görə, ikinci faza çərçivəsində, Azərbaycanın İqtisadi İnkişaf Nazirliyi (İİN) yanında, nazir müavini Sevinc Həsənovanın rəhbərlik etdiyi makroiqtisadi qrupa dəstək göstəriləcək. Lakin ikinci faza çərçivəsində texniki yardım İİN-lə yanaşı, Maliyyə Nazirliyini də əhatə edə bilər. Belə ki, hazırlanan makroiqtisadi çərçivələr büdcə göstəricilərinin proqnozlaşdırılmasında istifadə edilə bilər.
Layihə dörd komponentdən ibarətdir:
1. Yardımın hazırlanmasında tələbatın öyrənilməsi üçün proqram qısa tanışlıq səfərindən (bir həftədən çox davam etməyən) başlayır. Məsləhətçi, səfərin gedişində mülkiyyətin və proqrama daxil ediləcək vəzifəli şəxslərin, idarələrin hazırlığının təmin edilməsinin qiymətləndirilməsi, digər donorlarla hazırlıq və koordinasiyanı aparacaq.
2. Makroiqtisadi planlaşdırma üçün kompleks, istifadədə sadə modelin qurulması məqsədilə seminarların keçirilməsi. Seminarlar iki həftəyə nəzərdə tutulacaq. Onların planı yardım alıcısının tələbindən və nəyə üstünlük verməsindən asılıdır. Seminar müxtəlif idarələrin mütəxəssislərini birləşdirə, konseptual, institusional və siyasi məsələlər haqqında məhsuldar müzakirələrə gətirə bilər.
3. Texniki xidmət və davamlı inkişaf modelinin təmin edilməsi üçün missiyanın dəstəklənməsi, modelin gələcəkdə işə salınması üçün kadr potensialının işlənilməsi nəzərdə tutulur.
4. Alıcı ölkələrdə təcrübənin daha geniş auditoriyaya yayılması məqsədilə peşəkar tədris mərkəzləri və universitetlərdə kursların keçirilməsi.
Maliyyə proqramlaşdırması məlumatlara məhdud çıxışın olduğu mühitdə siyasi təhlil üçün əlverişli olan ümumi makroiqtisadi modelləşdirmə modelidir. Maliyyə proqramlaşdırılmasına dair potensialın artırılması hökumətlərə məlumatların uyğunluğunu müstəqil şəkildə yoxlamaq, şəxsi makroiqtisadi çərçivələrini yaratmaq və siyasi ssenarilər qurmaq imkanı verir. Proqramlaşdırma BVF tərəfindən qiymətləndirmə ilə bağlı müşahidələrdə istifadə edilir.
Inkişafda olan ölkələrdə proqramlaşdırmaya böyük tələbat var.
Müəlliflə əlaqə saxlamaq üçün elektron ünvan: [email protected]
