Gürcüstan, Tbilisi, 12 dekabr/ Trend , müxbir N.Kirtsxaliya/ Parisdə Gürcüstanın İqtisadiyyat Nazirliyi ilə Fransanın Tahles şirkəti arasında Tbilisidə müasir aviasiya radarının quraşdırılması barədə saziş imzalanıb.Qurğu Gürcüstan səmasında təhlükəsiz uçuşları təmin edəcək və Tbilisi beynəlxalq aeroportuna xidmək göstərəcək.
Yeni radar cari ilin avqustunda Rusiya aviasiyasının bombaladığı mülki radarın yerində quraşdırılacaq.
"Biz Fransa tərəfindən müasir standartlara cavab verəcək yeni radarın quraşdırılması üçün güzəştli kredit əldə etdik",- deyə "Qruzaeronaviqasiya" şirkətinin rəhbəri Qiorgi Karbelaşvili bildirib.
Müasir radarın quraşdırılması üzrə işlər gələn ilin yazından, Gürcüstan Parlamenti Parisdə imzalanan sazişi təsdiq etdikdən sonra başlanacaq. Obyekt gələn ilin avqustunda istifadəyə verilməlidir. Bütün işləri Fransanın Tahles şirkətinin mütəxəssisləri aparacaq.
Məqalə müəllifi ilə əlaqə ünvanı: [email protected]