Azərbaycan, Bakı, 25 dekabr/ Trend , müxbir Ü.İsmayılova/ Azərbaycanın Dövlət Torpaq və Xəritəçəkmə Komitəsi regional idarələri üçün yerli özünüidarəetmə orqanları torpaqlarının vahid hərraclarının keçirilməsi sistemini hazırlayır, - Dövlət Komitəsinin rəhbəri Qərib Məmmədov bildirib.
"Bu çox çətin iş və böyük məsuliyyətdir. Komitə, üzərimizə qoyulmuş məsuliyyətlə əlaqədar, bir sıra əlavə tədbirlər görməlidir", - Məmmədov deyib.
Onun sözlərinə görə, vahid sistemin yaradılmasının əsas məqsədi mümkün xaosu aradan qaldırmaq, Komitənin hər bir yerli və regional idarəsində hərracların keçiriləcəyi sistem yaratmaqdan ibarətdir.
Azərbaycan prezidentinin 10 dekabr tarixli qərarına əsasən, yerli özünüidarəetmə orqanlarının torpaqları yalnız hərraclar vasitəsilə satılacaq, hərracların keçirilməsi səlahiyyətləri Dövlət Torpaq və Xəritəçəkmə Komitəsinə verilib. Əvvəllər müvafiq yerli özünüidarəetmə orqanları - bələdiyyələrin belə səlahiyyətləri olub.
Hərracda qalib gəlmiş hüquqi və ya fiziki şəxslə müqavilə mülki və torpaq qanunvericiliyinə müvafiq olaraq, 20 gündən gec olmayaraq bağlanılacaq.
Müəlliflə əlaqə saxlamaq üçün elektron ünvan: [email protected]
