Gürcüstan, Tbilisi, 12 yanvar / Trend , müxbir N.Kitsxaliya/ Gürcüstan əhalisi dünya iqtisadi böhranının nəticələri arasında ən çox işsizlikdən qorxur. "Kviris palitra" həftəlik jurnalının keçırdiyi sorğuda 941 respondentin 43 faizi məhs işsizliyin böhranının ən qorxulu nəticələrindən olmasını və bunun Gürcüstan cəmiyyətinə dfaha ağır zərbə vura biləcəyini söyləyiblər.
Gürcüstan üçün təhlükəli olan digər nəticələr əhəmiyyəti üzrə belə yerləşib: ərzağın bahalaşması, milli valyutanın qiymətdən düşməsi, ölkədə siyasi qeyri - sabitlik, elektrik enerjisi və qazın qiymətlərinin qalxması, maaşların azaldılması, tibbi xidmətlərin və kreditlərin əlçatılmazlığı.
Vətəndaşlar hesab edirlər ki, bunlar dünya iqtisadi böhranının ən ağır nəticələridir. Gürcüstan prezidenti Mixail Saakaşvilinin sözlərinə görə, ölkədə böhran müşahidə olunmur. Lakin Dövlət başçisi bu qlobal böhranla bağlı çətinliklərin mövcudluğunu bildirib.
Həftəliyin sorğusunda 420 qadın və 521 kişi iştirak edib.
Məqalə müəlifi ilə əlaqə ünvanı: [email protected]