Azərbaycan, Bakı, 23 yanvar/ Trend , müxbir İ.Xəlilova/
Azərbaycanın Dövlət Statistika Komitəsi 2009-cu ildən ölkədə işsizlik səviyyəsinin aylıq müşahidə edilməsinə başlayır, - Dövlət Komitəsinin sədri Arif Vəliyev cümə günü bildirib.
"Əvvəllər belə müşahidələr rüblük əsasda aparılırdı. Lakin dünya iqtisadi böhranı şəraitində onun Azərbaycana təsirinin müəyyən edilməsi üçün belə monitorinqi hər ay aparmaq barədə qərar qəbul etdik", - Vəliyev deyib.
Onun sözlərinə görə, 2008-ci ilin üçüncü rübü ilə müqayisədə dördüncü rübə görə işsizlik üzrə məlumatların təhlili azalmanın olduğunu göstərmir. Hətta müəssisələr öz işçilərini uzun ödənişsiz məzuniyyətə göndərirlərsə belə, bu işçilər ümumi əmək fəaliyyəti ilə məşğul olanların siyahısında göstərilir.
Rəsmi statistikanın məlumatlarına əsasən, yanvarın 1-nə Azərbaycanda işsiz rəsmi olaraq 44 481 nəfər qismində qeydiyyata alınıb. Onların 46,9 faizi qadınlardır. 2008-ci ilə ərzində işsizlərin sayı 12,2 faiz, dekabr ərzində 0,3 faiz azalıb. Ölkədə bir boş iş yerinə dörd işsiz iddia edir.
Hesabat dövrü ərzində ölkənin məşğul əhalisinin sayı 4056 min nəfər təşkil edib. Bununla yanaşı 1405,3 min nəfər muzdla işləyir.
Muzdla işləyənlərin 13,2 faizi sənaye sahəsində; 5,4 faiz - tikinti; 2,8 faiz - kənd, meşə təsərrüfatı, balıqçılıq sahələrində məşğuldur. Xidmətlər sahəsində çalışanların 24,7 faizi təhsil; 19,6 faiz - topdan və pərakəndə satış, avtomobil, məişət məmulatları və şəxsi istifadə vasitələrinin təmiri; 9,9 faiz - səhiyyə və sosial xidmətlər; 6,8 faiz - nəqliyyat, rabitə; 6,1 faiz - daşınmaz əmlakla, icarə ilə əməliyyatlarda; 5,2 faiz - dövlət idarəsi və müdafiə sahəsində, 2,5 faiz digər sahələrdə cəmləşib.
2008-ci ildə iqtisadi fəaliyyətlə məşğul olan əcnəbilərin sayı 5 min nəfər olub. Onlardan 1,5 mini sənaye, 1,3 min - tikinti, 1 min - daşınmaz əmlakla əməliyyatlar, 0,5 min - ticarət sahələrində çalışıb.
İşsizliyə görə müavinətin orta məbləği 137,5 manatdır.
Yanvarın 23-nə olan cari mübadilə məzənnəsi - 0,8054 AZN/USD.
Müəlliflə əlaqə saxlamaq üçün elektron ünvan: [email protected]