Azərbaycan, Bakı, 27 yanvar/ Trend , müxbir Ü.İsmayılova/
2008 - ci ilin yekunlarına görə, Azərbaycanın ən böyük sığorta şirkətlərindən biri - Az Sigorta - nın sığorta haqları 10,66 mln. manat, ödənişləri 2,32 mln. manat təşkil edir, - Az Sigorta şirkəti sədrinin müavini Xəyal Məmmədxanlı çərşənbə axşamı bildirib.
Onun sözlərinə görə, "2008 - ci ildə ən böyük ödəmələr yanğından sığorta ilə bağlı olub --1,23 mln. manat".
Sığorta ödəmələrinin həcminə görə ikinci yerdə KASKO sığortası (avtonəqliyyat vasitəsinin qaçırılmadan könüllü sığortalanması, onun oğurlanması və üçüncü şəxs tərəfindən istənilən növ zədənin vurulması) - 678 min manat; sonra bank kreditlərinin sığortalanması - 226,89 min manat; OSAQO (avtomobil - vətəndaş məsuliyyətinin məcburi sığortası) - 84,67 min manat; tibbi sığorta - 34,56 min manat, eləcə də heyvanların sığortası - 20 min manat; bitkilərin sığortası - 20 min manat gəlir.
Şirkətin ən böyük sığorta haqları yüklərin sığortası üzrə yığımlar - 3,4 mln. manat, yanğından sığorta - 3 mln. manat, KASKO sığortası - 1,31 mln. manat, bank kreditlərinin sığortası - 481 min manat, OSAQO - 635 min manat, məsuliyyətin sığortası - 310 min manat, tibbi sığorta - 90 min manat, turistlərin sığortası - 62 min manat, bədbəxt hallardan sığorta - 15 min manat və s. payına düşür.
2008 - ci ilin yekunları üzrə şirkətin mənfəəti təxminən 3 mln. manat təşkil edib. Mənfəət vergisi ödənildikdən sonra bu məbləğin bir hissəsi [iki milyon manat] Nizamnamə kapitalının 4 mln. manatadək artırılmasına yönələcək, - Məmmədxanlı deyib.
2006 - cı ilin noyabrından fəaliyyət göstərən Az Sigorta SŞ, üçü məcburi olmaqla, 28 növ sığorta xidməti göstərir. 2007 - ci ilin yekunlarına əsasən, şirkət ilk dəfə yığımların həcminə görə Azərbaycanın sığorta bazarı liderlərinin onluğuna daxil olub. Yığımlar 5 mln. manat təşkil edib.
Yanvarın 27 - nə olan cari mübadilə məzənnəsi --0,8048 AZN/USD.
Müəlliflə əlaqə saxlamaq üçün elektron ünvan: [email protected]