Azərbaycan, Bakı, 01 aprel / Trend , müxbir N.İsmayılova /
"Azərbaycan Milli Bankı (AMB) tərəfindən elan olunan ödəmə balansına əsasən, 2008-ci ilin yekunlarına görə, özəl kredit və borc, depozit və başqa kapital qoyuluşu sahələrin, birbaşa dövlət və dövlət təminatlı kreditlərin xüsusi çəkisi, xarici sərmayələrin ümumi həcminin 47,3 faizini təşkil edir", - çərşənbə günü AMB-dən deyilib. Onların ümumi həcmi 3583,5 milyon dollar təşkil edib. Bu rəqəm 2007-ci ilin göstəricisindən 1,6 dəfə çoxdur.
Birbaşa dövlət tərəfindən və dövlət təminatı altında cəlb edilmiş kreditlərin payı 58,3 faiz artımla 19,5 faiz (698,7 milyon dollar) olub. Təminatı olmayan kreditlərin həcmi 63,4 faiz artımla 2344,6 milyon dollar təşkil edib. Onlardan 683,1 milyon dolları ÜMT-dən beynəlxalq neft-qaz müqavilələri çərçivəsindəki işlərin maliyyələşdirilməsinə cəlb edilmiş vəsaitlərin payına düşür. Bu vəsaitlər SOCAR-ın (Azərbaycan Dövlət Neft Şirkəti) Gürcüstan və Türkiyədəki enerji resursları layihələrinin maliyyələşdirilməsinə yönəldiləcək.
Təminatı olmayan kreditlərin 1661,5 milyon dolları (ötənilki göstəricidən 1,7 faiz çox) banklar, birgə müəssisələr və firmalar tərəfindən cəlb edilib.
Məqalə müəllifi ilə əlaqə ünvanı: [email protected]
