Azərbaycan, Bakı, 03 aprel / Trend , müxbir Ü.İsmayılova /
2008-ci ilin yekunu üzrə Azərbaycanın sığorta şirkəti Baki Sigorta-nın aktivləri əvvəlki illə müqayisədə 4,4 dəfə artaraq 9,45 mln. manat təşkil edib. Bu barədə şirkətin rəsmi mətbuatda nəşr olunan hesabatında bildirilir. Şirkətin hesabatı üzrə auditor rəyi Biznes audit şirkəti tərəfindən təqdim olunub.
Bu dövr ərzində şirkətin uzunmüddətli aktivləri ilin əvvəli ilə müqayisədə 38,4 dəfə artaraq 4,62 mln. manat, qısamüddətli aktivləri isə 4,82 mln. manat (2,4 dəfə artım ilə) təşkil edib. Ötən il şirkətin depozit hesabları il ərzində 5,2 dəfə artaraq 3,93 mln. manat təşkil edib.
2008-ci ildə Baki Sigorta-nın ödənmiş nizamnamə kapitalı 1,5 mln. manat (1,8 dəfə artım ilə), xalis mənfəəti 690 min. manat, ötən illərin bölüşdürülməmiş mənfəəti 693 mln manat təşkil edib.
Şirkətin uzunmüddətli öhdəlikləri əvvəlki illə münaqisədə 5,4dəfə artaraq 7,14 mln. manat, qısamüddətli öhdəlikləri 119 min manat (artım 0), kapital və ümumi öhdəlikləri 4,4 dəfə artaraq 9,45 mln. manata çatıb.
Ötən ilin yekunu üzrə şirkətin gəlirləri 3,43 mln. manat, xərcləri 2,53 mln. manat təşkil edib.
Ötən il şirkət 61,98 min manat məbləğində mənfəət vergisi, 1,9 min manat ƏDV, 74 min manat gəlir vergisi, 1,27 min manat əmlak vergisi, 6,25 min manat mənbə vergisi, 2,94 min manat isə digər vergilər ödəyib. Sosial sığorta və təminat üzrə ödəmələr 75 min manat, icbari ödəmələr 18,39 min manat təşkil edib.
Aprelin 03-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]
