Azərbaycan, Bakı, 06 may / Trend , müxbir S.Babayeva /
Car ilin birinci rübündə Naxçıvan Muxtar Respublikasında (NMR) ÜDM-in həcmi 2008-ci ilin analoji dövrü ilə müqayisədə 22% artaraq 162 milyon manata çatıb. Bu barədə çərşənbə günü NMR-in Bakıdakı daimi nümayəndəliyindən deyiblər.
Bu dövr ərzində ÜDM srukturunda 44,4% (72 milyon manat) mal istehsalının payına düşüb. Göstərilən xidmət müqabilində əlavə qiymət 51,6% (83 milyon manat) təşkil edib. 6,4 milyon manat mal və ixraca görə təmiz verginin payına düşüb.
Cari ilin yanvar-mart ayları ərzində sənaye sahəsində 39 milyon manatlıq (23,9%), tikintidə 21 milyon manatlıq (14,7%), nəqliyyatda 5,7 milyon manatlıq (3,5%), rabitə sahəsində 5,2 milyon manatlıq (3,2%), topdan və pərakəndə satış, eləcə də avtomobil təmiri və məişət texnikası təmiri sahəsində 34 milyon manatlıq (21,5%) əlavə dəyər yaradılıb.
Mayın 06-na olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]
