Azərbaycan, Bakı, 21 may / Trend , müxbir Ü.İsmayılova /
Azərbaycanın iri lizinq şirkətlərindən olan Joint Leasing-in portfeli bazarın hazırkı passivliyinə baxmayaraq 30 milyon manatı ötüb. Bu barədə şirkətin cümə axşamı yayılmış məlumatında deyilib.
"Maliyyələşdirilən layihələrin 95%-i (38,4 milyon manat) biznes sahəsində, digər 5%-i isə istehsalatda istifadəyə yönəlib", - məlumatda qeyd olunub.
Yanvar-mart ərzində lizinq xətti ilə 2 milyon manat dəyərində yeni avadanlıq verilib.
Aprelin 1-nə olan vəziyyətə əsasən, şirkətin ümumi kapitalı 2,73 milyon manat təşkil edib ki, bu da 1,08 milyon manat 2008-ci il birinci rübün göstəricisindən çoxdur. Bu dövr ərzində şirkət tərəfindən ölkənin dövlət büdcəsinə bir sıra layihələr çərçivəsində 1,6 milyon manat vəsait daxil olub. Şirkət əsasən nəqliyyat, yüngül sənaye, tikinti, qida sənayesi, xidmət və ticarət sahələrini maliyyələşdirib.
Cari ilin yanvar-mart ayları ərzində şirkətin gəliri 477 min manat təşkil edib.
Joint Leasing Azərbaycanın lizinq sahəsində 2004-ci ilin iyunundan fəaliyyət göstərir. Şirkətin əsas təsisçiləri: Britaniyanın DH Leasing LTD şirkəti (52,4%) və Azərbaycan Beynəlxalq Bankı (47,6%).
Şirkətin nizamnamə kapitalı 700 min manat təşkil edir.
Məqalə müəllifi ilə əlaqə ünvanı: [email protected]
