Azərbaycan, Bakı, 29 may / Trend , müxbir N.İsmayılova /
Son dörd ay ərzində milli valyutanın məzənnəsi cəmi 0,3% ucuzlaşıb və manat qlobal maliyyə böhranı şəraitində ən stabil valyutalardan biri olaraq qalır. Bu barədə Mərkəzi Bankın idarə heyətinin nümayəndəsi cümə günü parlamentdə aparılan 2008-c ilin büdcə müzakirələri zamanı deyib.
"Keçmiş SSRİ-nin 14 ölkəsində 20-40% arası ciddi devalvasiya müşahidə edildiyi halda Azərbaycanda milli valyutanın məzənnəsi stabildir", - Rüstəmov qeyd edib.
Məzənnə siyasəti zamanı Mərkəzi Bank birinci növbədə maliyyə sabitliyini əsas götürür. Rüstəmovun fikrincə, manatın məzənnəsinin stabilliyi üçün bütün əsaslar var və "ən başlıcası ölkənin ödəniş balansıdır ki, onun da profisiti dörd ay ərzində 1,5 milyard dollar təşkil edib. Bütün bunlar gələcəyə nikbin baxmaq imkanı verir".
Neftin qiyməti bir barel üçün 50 dollar olduqda 2009-cu ilin nəticələrinə əsasən, ödəniş balansının profisiti 5 milyard dollar civarında gözlənilir.
Maliyyə sabitliyinin təmin olunması üçün Mərkəzi Bank ilin əvvəlindən etibarən ölkənin valyuta bazarında təqribən bir milyard dollar satıb. Buna baxmayaraq may ayından etibarən Mərkəzi Bank dollar kütləsini bazardan geriyə almağa başladı və onun həcmi 30-40% təşkil etdi.
Məqalə müəllifi ilə əlaqə ünvanı: [email protected]
