Azərbaycan, Bakı, 20 iyun/ Trend müxbir N.İsmayılova/
Azərbaycanın Peşəkar Risk-menecerləri Assosiasiyası maliyə sektoru ilə yanaşı, energetika sektorunda da risk-menecerlərinin hazırlanması ilə məşğul olacaq. Bu barədə şənbə günü Assosiasiyanın təsisçisi və başçısı Rüfət Mahmud bildirib.
"GARP-ın (Global Association of risk Professionals) təcrübəsindən istifadə edərək assosiasiya energetika sektoru üçün də risk-menecerləri hazırlayacaq", - deyə Mahmud bildirib.
Onun sözlərinə əsasən assosiasiya bank, lizinq və sığorta şirkətlərinin menecerlərinin sertifikatlaşdırılmasının başa çatdırılmasından sonra əhatə sektoru dairəsinin genişləndirilməsinə başlayacaq.
Assosiasiya 2009-cu ilin may ayının ortalarında qeydiyyatdan keçib, hazırda isə assosiasiyanın institusional yaranması prosesi gedir. Assosiasiyanın yaradılması ölkənin maliyə sektorunda risklərin azalmasına təsir edəcək. Assosiasiya artıq Beynəlxalq Maliyə Korporasiyası, Azərbaycan Mərkəzi Bankı və GARP ilə əməkdaşlığa başlayıb.
Hazırda bank əməkdaşları üçün testlərin keçirilməsinə başlanılıb və sertifikatlaşdırılma üçün onun nəticələrinin analizi aparılır.
Məqalə müəllifi ilə əlaqə ünvanı:[email protected]