Azərbaycan, Bakı, 06 oktyabr / Trend , müxbir N.İsmayılova/
"Rusiya kapitallı Azərbaycan bankı bir sıra xarici sərmayədarlar ilə fəal danışıqlar aparır", - bu barədə bankın İdarə Heyətinin sədri Vasili Xamaza bildirib.
"Bank Ərəb Əmirliyi, ABŞ , Almaniya, Behreyn və İrandan olan maliyyə institutları ilə danışıqlar aparır", - Xamaza bildirib.
Onun sözlərinə əsasən, ilin sonuna kimi bank 100 milyon dollar cəlb etmək niyyətindədir, bu vəsait mikrokreditləşdirmənin artırılmasına və AYİB proqramı üzrə kreditlərin verilməsinin başlanmasına yönəldiləcək.
"Biz bunun üçün sosial filial açmaq istəyirik və artıq hazırlıq işləri başa çatıb", - Xamaza bildirib.
Onun sözlərinə əsasən, xırda kreditlər istiqamətində getmək Nikoil Bank üçün növbəti ildə perspektivdir.
Nikoil Bank Azərbaycanda 1997-ci ildən fəaliyyət göstərir. O zaman Azərbaycanın investisiya şirkəti Nikoil (Nikoil AİŞ) QSC yardılıb. 1998-ci ildən Nikoil AİŞ "Ulpar" kommersiya bankının səhmdarı olub. 2008-ci ildə "Tukaz İnvestments" şirkəti tərəfindən Nikoil İKB-nın nəzarət paketinin alınması nəticəsində o, bankın səmdarları tərkibinə daxil oldu. Sövdələşmənin imzalanmasından sonra Nikoil Bank-da səhmlərin bölüşdürülməsi aşağıdakı şəkildə həyata keçirilib: "Topaz İnvestments" - 53,1%, Nikoil QSC - 28,7%, "Uralsib-İnvest" MMC - 13,9% və ISR Holding - 4,3%.
Oktyabrın 6-na cari məzənnə 0,8033 AZN/USD təşkil edir.
Məqalə müəllifi ilə əlaqə ünvanı: [email protected]
