Gürcüstan Tbilisi, 14 oktyabr / Trend , müxbir N.Kirsxaliya/
Gürcüstanın real iqtisadi potensialını və biznes mühitini öyrənəcək küveytli iş adamlarının nümayəndə heyəti Gürcüstana gələcək, Gürcüstanın Küveytdəki səfiri Yekaterina Mikadze deyib.
Küveytin biznes nümayəndələri rəsmi səfər çərçivəsində Gürcüstan Prezidenti və hökumətin iqtisadi komandası ilə görüşlər keçirəcək.
Səfir qeyd edib ki, səfərdən əvvəl Gürcüstan və Küveyt arasında əlaqələrin dərinləşdirilməsi istiqamətində uzun proses keçilib.
Səfirin sözlərinə görə, küveytli iş adamları Gürcüstana investisiya qoymaq istədiklərini bildirdikdən sonra bu ölkənin biznes sektoru ilə yaxından tanış olmq zərurətə çevrilib.
"Küveytin potensial sərmayədarları Gürcüstana gəlmək və bu ölkənin biznes mühiti ilə yerində tanış olmaq istədiklərini dilə gətiriblər", - səfir deyib.
