...

Azərbaycanda 130 milyon manatdan çox ipoteka krediti verilib

Biznes və iqtisadiyyat xəbərləri Materials 3 Noyabr 2009 15:17 (UTC +04:00)

Azərbaycan, Bakı, 03 noyabr / Trend , müxbir Ü.İsmayılova /

Azərbaycanda 2009-cu ilin iyunun 1-dən noyabrın 1-nə kimi ümumi məbləği 59 milyon manat olan 1,4 min ipoteka krediti verilib, bu barədə Azərbaycan Mərkəzi Bankı yanında Azərbaycanın İpoteka Fondunun (AİF) çərşənbə axşamı yayılan məlumatında deyilir.

Oktyabrda 12 milyon manat həcmində ipoteka krediti verilib, bunun nəticəsində 300 ailə yaşayış şəraitini yaxşılaşdırıb.

Bununla da, Azərbaycanda 2006-cı ilin martında ipoteka kreditlərinin verilməsinə başlanmasından etibarən AİF xətti ilə ümumi məbləği 134 milyon manat olan təxminən 3,4 min ipoteka krediti verilib.

AİF ipoteka kreditləşməsini 2007-ci ilin yayında maliyyə vəsaitlərinin çatışmaması səbəbindən dayandırıb və 2009-cu ilin iyunun 1-dən bərpa edib.

Azərbaycanda verilən adi ipoteka kreditinin maksimal məbləği 50 min manatdır. Bu kreditlər 8 faizlə 25 il müddətinə verilir. Sosial ipotekanın ən yüksək məbləği isə 35 min manatdır, 4 faizlə 30 il müddətinə verilir. Adi və güzəştli kreditlər üçün ilkin ödəniş 15 faiz təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti