Azərbaycan, Bakı, 13 aprel /Trend, müxbir N.İsmayılova/
Azərbaycan Mərkəzi Bankı (AMB) Azərbaycan banklarının müzakirəsinə yeni nizamlayıcı qaydalar təqdim edir. Bunu AMB-nin Kredit təşkilatlarının fəaliyyətinə nəzarət departamentinin direktoru Rəşad Orucov deyib.
"Hazırda Mərkəzi Bank üç istiqamətdə nizamlayıcı çərçivə hazırlayır. Həmin istiqamətlər kapitalın adekvatlığının nizamlanması, likvidliyin idarə edilməsi və maliyyənin ehtiyatda saxlanmasıdır", - Orucov deyib.
"Biz banklarla aktiv işləyirik və onların fikri bizə maraqlıdır. Bu, kapitalla bağlı olmayan iqtisadi normativlər olacaq və ayın sonuna kimi banklara təqdim ediləcək", - o deyib.
Fəaliyyətdə olan qanunvericiliyə görə, kapitalın adekvatlığına olan normativ tələblər 12 faiz təşkil edir. Fəaliyyətdə olan və təkrar yaradılan bankların minimum həcmdə nizamnamə kapitalı 10 milyon manat təşkil edir.
Aprelin 13-nə olan rəsmi məzənnə 0,8035 AZN/USD təşkil edir.
