Azərbaycan, Bakı, 29 sentyabr /Trend, müxbir E.İsmayılova/
Azərbaycanın imzalanan kredit sazişləri çərçivəsində dövlət zəmanətli xarici borcları 7,5 milyard dollar təşkil edir. Bu barədə çərşənbə günü maliyyə naziri Samir Şərifov deyib.
"Bu, xarici borcun kifayət qədər səmərəli səviyyəsidir. Azərbaycanın bütün parametrlər üzrə xarici borcunun səviyyəsi MDB, Mərkəzi və Şərqi Avropa ölkələri arasında ən az hesab olunur, odur ki, problem yoxdur", - Şərifov qeyd edib.
Onun sözlərinə görə, xarici borcun həcmi bəzi xarici borcların xarici valyutada cəlb edilməsi səbəbindən dəyişə bilər. "Borcun ümumi həcmində dəyişikliklər avronun məzənnəsinin artması ilə də müşahidə oluna bilər", - nazir vurğulayıb.
