RED. əlav.: sonuncu abzas əlavə olunub
Azərbaycan, Bakı, 29 sentyabr /Trend/
Azərbaycan Fövqəladə Hallar Nazirliyi tərəfindən Rusiya bayrağı altında İranın Ənzəli limanından Həştərxan istiqamətində hərəkət edən "Orion-5" yük gəmisindən ürək çatışmazlığı olan matros təxliyə edilib. Bu barədə gəmidəki hadisə haqqında siqnal alan Azərbaycan Dövlət Dəniz Administrasiyasından verilən məlumatda deyilir.
Məlumatda deyildiyi kimi, gəmidən Administrasiyaya siqnal 29 sentyabr saat 12:00-da (Bakı vaxtı ilə) verilib.
Cəlb olunmuş həkim briqadası Aleksandr Vladimiroviç Xarçenkonu vertolyotla təhlükəsiz təxliyəyə hazırlayıb.
Azərbaycan Fövqəladə Hallar Nazirliyinin məlumatında deyildiyi kimi, Azərbaycan Dövlət Dəniz Administrasiyasından gələn məlumata əsasən, Rusiya bayrağı altında İrandan hərəkət edən gəmidə bir şəxsin təcili tibbi yardıma ehtiyacı olub. Dərhal Azərbaycan FHN aviadəstəsinin vertolyotu ilə həkim briqadası gəmiyə çatdırılıb. Hadisə yerində vəziyyəti operativ qiymətləndirmə zamanı xəstənin vəfat etdiyi müəyyən olunub.