Azərbaycan, Bakı, 15 oktyabr /Trend, müxbir N.İsmayılova/
Cari ilin sonunadək Avropa Yenidənqurma və İnkişaf Bankı (AYİB) Azərbaycandakı üç tərəfdaş banka borc vermək niyyətindədir. Bu barədə bankın Bakı ofisinin rəhbəri Frensis Deley məlumat verib.
"Biz ilin sonunadək bankların səhmdar kapitalına heç bir investisya gözləmirik, lakin indi üç AYİB-lə tərəfdaş olan Azərbaycan bankına borc verilməsi məsələsi müzakirə olunur", - Deley bildirib.
2009-cu ildə AYİB Azərbaycanda doqquz layihəyə, orta hesabla, 232 milyon dollar sərmayə yatırıb. AYİB 2010-cu ildə Azərbaycanda 15 layihəni maliyyələşdirib.
AYİB, ümumilikdə, Azərbaycanda 114 layihənin həyata keçirilməsinə 1,05 milyard avro yatırıb və bununla bağlı 5,6 milyard avro məbləğində maliyyələşmənin cəlb edilməsi təşkil edilib. AYİB-in hazırkı portfeli 663 milyon avro təşkil edir. Onlardan 69 faiz artıq xərclənib. Bununla yanaşı, xərclənən kreditlərdən banka 283,4 milyon avro qaytarılıb.
AYİB - vəsaitlərinin Mərkəzi Avropa və Mərkəzi Asiyanın 30 ölkəsində demokratiya və bazar iqtisadiyyatının bərqərar olması üçün istifadə edilən bankdır. Onun sahibi 61 ölkə və iki beynəlxalq təşkilatdır.
