Azərbaycan, Bakı, 10 yanvar /Trend, müxbir Ü.İsmayılova/
Yaxın iki-üç ildə Azərbaycanda yerli sığorta şirkətlərinin 50 faizi öz bizneslərini birləşdirməli olacaqlar. "Günay Sığorta" şirkətinin idarə heyəti sədrinin səlahiyyətlərini yerinə yetirən Vüqar Rəcəbov bu fikirdədir.
"Şirkətlər aşağı daxilolmalar və gəlirlər, eləcə də bazarın tələblərinə uyğun olmama səbəbindən birləşməli olacaqlar", - Rəcəbov hesab edir.
Onun sözlərinə görə, hazırda ölkədə iqtisadiyyatın fəal surətdə inkişafı müşahidə edilir və sığorta tərəfdaşlarına ehtiyacı olan həm yerli, həm də xarici iri şirkətlər sığortaçıların maliyyə göstəriciləri barədə məlumatı Dövlət Sığorta Nəzarəti Xidmətinin saytından əldə edə bilərlər.
"Əlbəttə ki, ciddi şirkətlər üstünlüyü ciddi maliyyə göstəriciləri olan sığorat şirkətlərinə verəcəklər, kiçik şirkətlər isə öz vəziyyətlərini yaxşılaşdırmaq üçün bizneslərini birləşdirməli olacaqlar ya da bazardan getməli oalcaqlar", - Rəcəbov bu qənaətdədir.
Azərbaycanın sığorta bazarında 27 sığorta və bir təkrar sığorta şirkəti fəaliyyət göstərir. 2010-cu ilin yanvar-noyabr ayları ərzində bütün sığortaçıların sığorta haqlarının ümumi həcmi 45,48 milyon manat ödənişlə 139,82 milyon manat təşkil edib. Sığorta yığmlarının həcmi üzrə lider 9,66 milyon manat ödəniş və 22,8 milyon manat gəlirlə "AzərSığorta" dövlət şirkətidir. Sığorta haqlarının ən az həcminə isə 0,22 milyon manat ödəniş və 0,29 milyon manatlıq gəlirlə "Meqa Sığorta" şirkəti malikdir. Ölkənin sığorta bazarında fəaliyyət göstərən digər 8 şirkətin sığorta haqları bir milyon manatı ötmür.
