Аzərbaycan, Bakı, 16 fevral /Trend/
2010-cu ildə Azərbaycana 51,8 mindən artıq minik avtomobili idxal olunub ki, bu da ötən ilin göstəricisindən 18,3 faiz azdır. Bu barədə Dövlət Statistika Komitəsindən məlumat verilib.
Məlumata görə, ötən il gətirilən minik avtomobillərinin ümumi dəyəri 451,5 milyon dollara yaxındır. Bu, ötən ilin göstəricisindən 1 faiz azdır.
Ötən il Azərbaycana 4402 min ədəd yük avtomobili idxal olunub ki, bu da 2009-cu ilin göstəricisindən 28,1 faiz azdır. Gətirilən avtomobillərin ümumi dəyəri 106,87 milyon dollar təşkil edib ki, bu da 2009-cu ilin göstəricisindən 5,3 faiz çoxdur.
Həmçinin, 2010-cu ildə respublikaya 849 ədəd avtobus idxal olunub ki, bu da 2009-cu ilin göstəricisindən 17,6 faiz azdır. Bu dövrdə idxal olunan avtobusların məbləği 41 milyon dollara yaxın təşkil edib ki, bu da 2009-cu ildə qeydə alınan göstəricidən 20,2 faiz azdır.
Bu ilin yanvar ayında Azərbaycanda 110 ədəd yük avtomobili istehsal olunub. Eləcə də həmin dövrdə ölkədə 72 minik avtomobili buraxılıb ki, bu da ötən ilin eyni dövrünün göstəricisindən 2,6 dəfə çoxdur.