Azərbaycan, Bakı, 12 mart /Trend, müxbir N.İsmayılova/
Azərbaycan Vergilər Nazirliyi banklarla birlikdə ölkədə nağd olmayan ödənişlərin stimullaşdırılmasının inkişafı üzrə fəal iş aparır. Bu barədə şənbə günü Trend-ə Bakı şəhər Vergilər Departamentinin rəis müavini Fariz Səmədov deyib.
"Hazırda ticarət nöqtələrində və xidmət məntəqələrində POS-terminalların quraşdırılması üzrə işlər görülür. Bu, nağd ödənişlərin minimallaşdırılmasına və plastik kartlardan istifadənin artmasına səbəb olacaq", - Səmədov qeyd edib.
Onun sözlərinə görə, yerli banklarla bu sahədə sıx əməkdaşlıq qurulub, eləcə də ölkənin Mərkəzi Bankının işçi qrupu ilə birlikdə iş aparılır.
Birgə işçi qrupu ticarət sahəsində nağd olmayan hesablaşmaların həcminin artırılması üçün təkliflər hazırlayır. Respublikada nağd olmayan hesablaşmaların stimullaşdırılması üzrə tədbirlər çərçivəsində vergiödəyicilər üçün mal xə xidmətlərin plastik kartlarla ödənilməsi və alıcılar üçün stimullaşdırıcı lotereyaların genişləndirilməsi məqsədilə vergi güzətşləri də mümkündür.
Nağdsız hesablaşmaların stimullaşdırılması şəffaflığın artmasına və bank sektorunun inkişafına xidmət edəcək.