Azərbaycan, Bakı, 5 may /Trend, müxbir A.Axundov/
Azərbaycanın Vergilər Nazirliyi "bir pəncərə" sistemi vasitəsilə "Uğur Sığorta Agentliyi" MMC-ni qeydiyyata alıb. Trend-in məlumatına görə, bu barədə cümə axşamı nazirliyin saytında yerləşdirilən məlumatda deyilir.
Sığorta agentliyinin təsisçisi və rəsmi nümayəndəsi fiziki şəxs Əliyev Qulam Tofiq oğludur.
Agentliyin nizamnamə kapitalı 50 manatdır.
MMC dövlət qeydiyyatından aprelin 18-də keçib.
Bu gün ölkədə "Qarant Sığorta" - "Qarant Sığorta Agenti" agent şirkəti fəaliyyət göstərir. Şirkət 2010-cu ilin ortalarında yaradılıb. "Qarant Sığorta Agenti"nin yaradılmasında əsas məqsəd əhali arasında sığorta mədəniyyətinin inkişafı, sığorta biznesinin pərakəndə satışının, Bakıda və regionlarda filial şəbəkələrinin genişləndirilməsi, yeni iş yerlərinin, gənclərin sığorta sahəsində karyeraları üçün şəraitin yaradılmasıdır.
2011-ci ilin əvvəlində AXA MBASK sığorta şirkəti pərakəndə satışın sığorta agentlikləri şəbəkəsi vasitəsilə inkişaf etdirilməsi planına müvafiq olaraq, "Xəzər" agentliyi ilə özünün tərəf-müqabillik haqqında ilk sazişini bağlayıb.
Beləliklə, "Xəzər" agentliyi АХА MBASK-ın tam dəstəyi ilə açılmış ilk agentlik olub. Agentliyin fəaliyyəti fiziki və hüquqi şəxslərlə, habelə maliyyə-kredit müəssisələri ilə sığorta olunmanın bütün növləri üzrə işə istiqamətlənəcək.
Həmçinin, martda "Eksklüziv Sığorta Agentliyi" qeydiyyata alınıb.
Beynəlxalq təcrübə göstərir ki, agentlərsiz və agentliklərsiz pərakəndə satışın inkişafı praktiki olaraq mümkün deyil. Bununla əlaqədar, AXA MBASK şirkətdə pərakəndə satış modelini tamamilə yenidən qurub və bu modeldə ən böyük rolu məhz sığorta agentlikləri oynayacaqlar. AXA MBASK agent fəaliyyəti ilə məşğul olmaq istəyən yerli sahibkarları tam mənada dəstəkləməyə hazırdır.
Ölkədə sığorta olunmanın inkişaf etməsi ilə agent fəaliyyəti get-gedə daha sərfəli biznesə çevrilir. Agentliyin fəaliyyətinin prioritet istiqamətləri müştərilərlə kommunikasiyanın səmərəlilik səviyyəsinin daha da yüksəldilməsi, agent satışlarının yüksək səviyyəsini əldə etməyə imkan verən sistemin qurulması olacaq.
Mayın 5-nə olan rəsmi məzənnə 0,7912 AZN/USD təşkil edir.
