Azərbaycan, Bakı, 26 may /Trend, müxbir İ.Xəlilova/
"Visa" beynəlxalq ödəniş sistemi Azərbaycanda nağdsız ödənişlərin həyata keçirilməsi ilə bağlı problemlərin aşkarlanması məqsədilə araşdırma aparır. Bu barədə cümə axşamı Bakıda "Visa"nın MDB ölkələri üzrə regional menecer Aleksandr Kalita deyib.
"Araşdırmalar "Nilson" şirkəti tərəfindən aparılır. Onların nəticələrini bu gün Azərbaycan Mərkəzi Bankından olan tərəfdaşlarımızla təhlil edirik", - Kalita bildirib.
Onun sözlərinə görə, Azərbaycanda nağdsız hesablaşmaların inkişafı üçün riteylin vergiqoyması, POS-terminalların qeydiyyatı proseduru və maliyyə savadlılığı ilə bağlı bəzi məsələlərin həlli tələb olunur.
"Bizim Mərkəzi Bankla yaxşı dialoqumuz qurulub və biz ölkədə nağdsız hesablaşmaların inkişafı üzrə məsələlərlə bağlı məsləhətləşmələr aparırırq", - Kalita qeyd edib.
AMB-nin idarə ehyətinin sədr müavini Alim Quliyevin sözlərinə görə, Azərbaycan Prezidenti İlham Əliyevin tapşırığına əsasən, ölkədə nağdsız hesablaşmaların inkişafı ilə bağlı kompleks tədbirlər hazırlanıb.
"Mərkəzi Bank Vergilər Nazirliyi ilə birlikdə vergi güzəştlərini və vergi tətillərini nəzərdə tutan təkliflər paketi hazırlayıb", - Quliyev əlavə edib.
Hazırda "2011-2025-ci illər üçün elektron ödəniş sisteminin inkişafı üzrə Dövlət Proqramı" üzərində iş artrıq başa çatıb. Dövlət proqramının tələblərinə uyğun olaraq yeni qanun hazırlanır. Onun əsasında bankların və ödəniş sistemlərinin xarici provaydelərinin fəaliyyətinin nizamlanması ABM-nin səlahiyyətlərinə aid olacaq.
"Hazırda AMB yalnız bankları tənzimləyir. Bugünə biz KOMİS ödənişlərinin infrastukturunu və sistemini yaratmışıq. Buna uyğun olaraq hər bir abonent istənilən yaxınlıqdakı bankda, poçt şöbəsində,internet vasitəsilə və ya plastik kartla ödəniş edə bilər", - Quliyev qeyd edib.
Hazırda ölkədə dövriyyədə 4 milyondan çox kart buraxılıb, 2 minə yaxın bankomat və 8 min POS-terminal quraşdırlıb.
