Azərbaycan, Bakı, 1 iyun /Trend, müxbir İ.Xəlilova/
İyunun birinci rübündə Asiya İnkişaf Bankının Nəqliyyat və kommunikasiya şöbəsinin direktoru Honq Vanqın Azərbaycana səfəri gözlənilir. O, CAREC praqramının növbəti yüksək səviyyəli iclasında iştirak edəcək. Bu barədə çərşənbə günü bankın Bakı nümayəndəliyindən bildirilib.
İyunun 6-9-da Bakıda görüşlər keçirəcək Honq Vanq CAREC proqramının baş əlaqələndiricisidir.
Onun səfəri Masallı-Astara avtomobil yolunun tikintisi layihəsinin həyata keçirilməsi prosesinin irəliləməsinə, eləcə də bu yol layihəsi üçün əlavə maliyyələşdirmə üzrə danışıqların başlanılmasına təkan verə bilər", - nümayəndəlikdən bildirilib.
AİB layihənin həyata keçirilməsinə 160-170 milyon dollar ayıracaq.
"Layihənin son dəyəri, o cümlədən AİB-in kreditinin məbləği yolun iki hissəsi üçün podratçının müəyyənləşdirilməsi üzrə tender proseduru başa çatandan sonra dəqiqləşəcək", - nümayəndəlikdən qeyd edilib.
Uzunluğu 22,15 kilometr olan Masallı-Astara avtomagistralının birinci hissəsinin tikintisi üçün "Azərinşaatservis" tikinti şirkəti seçilib, qalan iki ərazilər üzrə tender proseduru artıq başa çatıb və hazırda təkliflərin qiymətləndirilməsi gedir.
Hazırda texniki detalların, xüsusilə avtomobil yolu yaxınlığında torpaqların alınması planının yeniləşdirilməsinə ehtiyacın olub-olmaması, ətraf mühitə təsir dəqiqləşdirilməsi gedir.
Masallı-Astara yolu Asiya İnkişaf Bankının (AİB) 200 milyon dollar dəyərində krediti və Azərbaycan hökumətinin 49 milyon dollarlıq iştirak payı hesabına çəkiləcək.
Maliyyələşmə Azərbaycandakı yol layihələri üçün 2007-ci ilin avqustunda 500 milyon manat məbləğində təsdiqlənmiş üçüncü multitranş paketindən (Multitranche Financing Facility - MFF) həyata keçiriləcək. Əvvəllər MFF-nin üçüncü krediti Gəncə-Qazax avtomobil yolunun şərq-qərb hissəsinin modernləşdirilməsi üçün nəzərdə tutulmuşdu. Lakin Masallı-Astara yolunun tikintisi layihəsinin əlavə maliyyələşdirilmə zərurəti ilə əlaqədar onun reallaşdırılmasının sürətləndirilməsi üçün bu layihəyə vəsait ayrılması qərar alınıb.
AİB-in multitranş paketindən artıq 255,4 milyon dollar ayrılıb. 200 milyon dollar məbləğində olan birinci tranş Masallı-Astara avtomobil yolunun tikintisinə, ikincisi isə (55,4 milyon dollar) Gəncə dairəvi yolunun yenidən qurulmasına ayrılıb.
MFF-nin bütün paketinin mənimsənilməsi 2014-cü ilədək nəzərdə tutulub.