...

Azərbaycan Dövlət Sığorta Nəzarəti Xidməti yenidən işlənməsi üçün iddiaçıların yeni həyat sığortası şirkətinin yaradılması üzrə sənədlərini qaytarıb

Biznes və iqtisadiyyat xəbərləri Materials 23 İyun 2011 20:48 (UTC +04:00)

Trend-i buradan izləyin

Azərbaycan, Bakı, 23 iyun /Trend, müxbir A.Axundov/

Hazırda Maliyyə Nazirliyi yanında Dövlət Sığorta Nəzarəti Xidməti (DSNX) həyat sığortası şirkətinin yaradılması ilə bağlı müraciətlərə malik deyil. Bu barədə cümə axşamı Trend-ə DSNX rəhbərinin müavini Mahir Abdullayev bildirib.

"Bizdə baxılmaq üçün bir neçə təklif var idi, lakin onlar lisenziya almaq üçün təqdim edilən sənədlərdəki mövcud çatışmazlıqlarla əlaqədar qəbul olunmadı və ona görə də işlənmək üçün geri qaytarıldılar", - Abdullayev deyib.

DSNX-yə müvafiq müraciətlər AzSığorta, Alfa Sığorta, Ata Sığorta, Standard Insurance şirkətlərindən daxil olub. Beynəlxalq Sığorta Şirkəti, "Azərbaycan Sənaye Sığorta" SŞ-nin də analoji planları var.

Onun sözlərinə görə, DSNX öz iradlarını bildirib və yenidən işlənmək üçün sənədləri şirkətlərə qaytarıb.

"Hələlik həyat sığortası şirkətinin yaradılması ilə bağlı təkrar müraciət daxil olmayıb", - Abdullayev deyib.

Bu gün Azərbaycanda həyat sığortası üzrə cəmi üç şirkət - Atəşgah Həyat, Paşa Həyat və Qala Həyat şirkətləri fəaliyyət göstərir.

2011-ci ilin yanvar-mayında Azərbaycandakı həyat sığortası şirkətlərinin istehsalatda peşə xəstəlikləri və bədbəxt hadisələr nəticəsində peşə əmək qabiliyyətinin itirilməsi hallarından icbari sığorta üzrə sığorta haqları 11,941 milyon manat olub. Bu, yanvar-apreldəki göstəricini 37,12 faiz ötür.

Yanvar-mayda Azərbaycanda həyat sığortası üzrə sığorta haqlarının həcmi 1 343 786,04 manat (yığımların ümumi həcminin 1,55 faizi), ödənişlər isə 77 273,58 manat (0,35 faiz) olub.

İyunun 23-nə olan rəsmi məzənnə 0,7871 AZN/USD təşkil edir.

Xəbər lenti

Xəbər lenti